• الرئيسية
• كورة مصرية

كشف الإعلامي أحمد شوبير، تفاصيل مفاوضات النادي الأهلي، مع محمود حسن تريزيجيه، لاعب نادي طرابزون التركي، والمعار لصفوف الريان القطري، حتى نهاية الموسم.

وقال شوبير في تصريحات إذاعية:" الأهلي يغب في ضم تريزيجيه، ولكن اللاعب معار من طرابزون وهيخلص الموسم مع الريان ويرجع تاني، إلا لو ناديه القطري ليه رأي تاني وقرر يشتريه أو أحد أندية الدوري القطري لأنه ماشي كويس".

وتابع حارب مرمي الأهلي ومنتخب مصر الأسبق:" الأهلي عايز يضمه من بداية الموسم عشان يشارك في كأس العالم للأندية، وبيشوفوا موافقة اللاعب الأول عايز يرجع أو لأ".

وأوضح شوبير:"البعض بيقول إن تريزيجيه مش مبسوط في الريان، ولكن دي اجتهادات، وطلبات طرابزون سبور من النادي الأهلي للحصول على خدمات تريزيجيه مليون و300 ألف يورو، ومش هتبقى معضلة أوي على المارد الأحمر".

وأتم أحمد شوبير تصريحاته قائلا:" التفاوض شغال وفي خلية نحل شغالة في الأهلي لإنهاء المفاوضات مع تريزيجيه والحصول على خدماته، والجمهور بدء يقول رأيه تريزيجيه هيلعب فين".