• الرئيسية
• كورة مصرية

كشف الإعلامي أحمد شوبير، أخر تطورات ملف صفقات الفريق الأول لكرة القدم بالنادي الأهلي، في فترة الانتقالات الشتوية القادمة.

وقال شوبير، في تصريحات إذاعية:" بخصوص صفقات النادي الأهلي كل ما تسمعه هو مجرد اجتهادات فيها جزء صح وجزء كبير غلط".

وتابع:" أزعم أنا لي علاقة قوية مع مسؤولي الأهلي وكل ما أسال حد يقول لي لسه، أقول له طيب فيه مفاوضات مع فلان يقول لي جايز طيب فلان يقولوا موجود في المرشحين مش عارفين".

وأكمل حارس مرمي الأهلي ومنتخب مصر الاسبق:" ما استطيع تأكيده هو إن الأهلي بيتفاوض بجدية مع لاعيبة كويسين، بس السؤال هل الأهلي بيتفاوض مع لاعيبة محلية؟، لأ مفيش خالص ولا لاعب محلي الأهلي بيفكر فيه".

واتم أحمد شوبير تصريحاته قائلا:" طيب هل فيه لاعيبة محلية بتفكر في الأهلي طبعا أي لاعب محلي بيفكر يلعب في الأهلي أو الزمالك طبقا لميوله، اه فيه لاعيبة نفسها تروح النادي الأهلي ولو بشروط مالية ميسرة فحضرتك عشان متتعبش نفسك في قصة العروض دي متسمعش أي حاجة اللي أقدر أقوله لك هو إن مسؤولي الأهلي شغالين بقوة على الصفقات والملف مع كابتن الخطيب شخصيًا".