عمر مرموش: ”أتحول داخل الملعب وأحاول أكون إيجابي ومفيد مع الفريق”
تحدث عمر مرموش، نجم منتخب مصر ونادي آينتراخت فرانكفورت الألماني، عن شخصيته داخل الملعب وكيفية تفاعله مع المباراة بعد لمسه للكرة، قائلاً: "لما بدخل الملعب بتحول، بكون بره لذيذ وطيب، ولكن في الملعب بتغير تمامًا. مش بحب أخسر وعاوز كل اللى حوليا يكونوا مركزين ومصحصحين، وبحاول أكون إيجابي ومفيد مع الفريق".
وخلال حواره مع الإعلامية إسعاد يونس ببرنامج "صاحبة السعادة" على قناة dmc، تحدث مرموش عن تجربته في لعب ألعاب الفيديو، حيث قال: "بلعب بلاي ستيشن في النادي اللي بلعب فيه، وبقول لنفسي في اللعبة 'إيه ده متشوت عدل'، وبكلم نفسي وأقول 'أنت كويس هتجيب جون'، مش مشكلة في الفرصة اللي ضاعت، هتيجي فرصة تانية".
كما تحدث مرموش عن الضغوطات التي يتعرض لها اللاعب سواء من العائلة أو الأصدقاء أو الجمهور، قائلاً: "اللاعب بيكون مضغوط من أهله وأصحابه وكل الناس، والكورة يوم فوق ويوم تحت. بحط لنفسي مستوى معين أثبت عليه، وبفكر في نفسي: أنا مين؟ عملت إيه؟ ووصلت لده كله إزاي؟ ديما بحط لنفسي مستوى معين علشان أقدم مباراة كويسة".