• الرئيسية
• كورة مصرية

قال احمد زيزو في حديث نقله هاني حتحوت على لسانه : أنا بتمرن كل يوم مع الزمالك، هاحارب لآخر وقت، وهسيب الموضوع ماشي لحد ما يخلص منهم، مشي انا معاهم، وجدوا حل خير وبركة، انا بحترم النادي وبحترم أكل عيشي، ولحد اخر لحظة لي داخل النادي هاتمرن، سواء كانت بعد كام شهر أو مددنا العقد.

وأضاف : قصة التوقيع للأهلي؟، لم أوقع للأهلي وماليش دعوة بابا وقع على آيه وخد شيكات ولا لأ، لو كنت خلصت فعلا، كنت ليه هسافر جنوب افريقيا 17 ساعة قاعد بين اثنين معرفهمش، وكنت هامسك رجلي ومش هادعي الاصابة انا فعلا "رجلي وجعاني" وانا اكتر لاعب بشارك في الماتشات.. انا اصلا محتاج راحة ع الاقل 3 اسابيع.. دا غير ركبتي إللي مبعرفش اطلع السلم منها.

وتابع : الأهلي نادي محترم، وحقي أن ألعب معاهم، وعلى فكرة التاريخ مش بيتمسح.. طلبت من الزمالك شيكات مكتوبة علشان اضمن حقي، لان العقد شريعة المتعاقدين، هل هذا غير طبيعي.. هل أي حد يديني وعد ممكن ميبقاش موجود

وأكمل : عربيتي كانت هتتسرق من النادي واتعمل حادثة.. وممدوح عباس قال لي متعملش المحضر، وعربيتي في التوكيل وممدوح عباس كان المفروض يدفع، لكن روحت دفعت الـ3 مليون جنيه من جيبي، علشان انهي الموضوع، وممدوح قال لما زيزو يخلص قصته مع الزمالك

وأردف : مش هامسك ورقة وامضي إلا لما احسم موضوع الزمالك، مفيش حاجة اسمها توكيل عام في عقود الكورة، ممكن في الاعلانات او العقود التجارية.